Ne eshi-pikutain eukuan ka shutshishimakak anite nitatusseutshuapinat. Eukuan uet mishta-ushkuiat tshetshi minitat tshetshi atusseieku anite e minuat uashka.
Tshetshi takuaki utenat atusseuna tshe ut pimipanit pakassiun ute.
Tshetshi patshitinitishuiaku anite innuat eshi-taht Tshiuetinit Uepishtikueiau - assit kau manakaniht anitshenat ute eshi-taht.
Tshetshi uitshi-atussemakaniht utenat atusseutshuapa.
Tshetshi kassinu ishi-ushkuishtakanit tshetshi ut nakatuenitakanit uashka assi.
Tshetshi minu-tshitapamakaniht kaitusseht ka katshikatshiuepaniht.
Tshetshi minuenimuht kupanieshat mak tshetshi minu-tshitapatakanit eshi-amatshuepanit ne atusseutshuap.
Tshetshi minuanit anite tshe apiht kaitusseht mak anite tshe mamuituht tshe ashte-aieshkushiht, tshe ishi-uitshikut ne kupaniesh.
Eshi-nishtuapatameku eukuan tshe uitshikuiat tshetshi minupanit nitatusseunnan. Ui mashinatautishuiekui atusseunit, ute tshissipitamuku.
