Tshe tutamat atusseun

Nitishpishinan tshetshi KANIEUPANIT

Uapatamuku nitatusseunnan anite ne uashka assi.

TSHETSHI MINU-NAKATUENITAKANIT ASSI

  • Tshetshi atshunakanit e ishpanitakanit anite tshishikut, nipit kie assit tshekuan e uinakuak.
  • Tshetshi atshunakanit pimi mak tshetshi uauitshiaushinanut ne ua mashikakanit ne eshi-mishkutshipanit eshpanit eshi-tshishikat.
  • Tshetshi atshunakaniti ka pitshissipitakaniti tshekuana

  • Tshetshi minu-takuaimatshenanut nipi tshetshi ut minupanit kie akua tshetshi aitinanut.
  • Tshetshi akua aitinanut anite ka ashtakaniti uepinashuna mak ashini ka naikakanit miam eshi-natuenitakanit ka mishta-itenitakuak anite atusseutshuapit.

  • Tshetshi eka ishpish apashtakanit tshekuan kashutshishimakak mak assit tshekuan ka utshipanit
  • Tshetshi nashakaniti umenua : tshetshi atshunakanit, kau tshetshi apashtakanit, kau tshetshi mamushatshinakanit mak tshetshi ueueshi-tshitapatakanit.

  • Tshetshi ashtakanit ne etenitakanit anite ne tshe ueuetashtakanit tshe nashakanit anite atussenanut tshe ishpish pimipanit ne eshinakuak atusseun.

  • Tshetshi pimipanitakanit mak tshetshi ishi-tshitapatakanit tshipa ishi-nanatuapatitshenanu mak ussi-atusseuakana tshetshi nikanipannanut anite ne uashka assi.

TASHIP ETATU TSHE MINUTAKANIT ATUSSEUN ANITE NE UASHKA ASSI

  • Tshetshi uitakaniti ueuetashueuna, tshe ishi-pimutenanut, tapuetamun-mashinaikanuian, tiapuetakanit mak kutaka tshekuana eshi-natuenitakaniti kiatshitaimakaki anite nitatusseunnat.
  • Tshetshi tshitapatakanit tshekuan ua apashtakanit, eshi-ashuapatakanit mak tshekuannu e aieshkushiuinikuht auenitshenat kie ma atusseutshuapa tshetshi pituteshkakuht tshekuannu kie ma tshetshi mishkutunakuht nitatusseunnannu kie ma eshi-utinamutshit aimunnu.

  • Tshetshi ueuetashtakanit ne eshinakuak nitatusseunnan tshetshi minushtakanit.
  • Tshetshi tutakaniti ne tshe ishi-pimutenanut etatu tshetshi minutakanit ne uashka assi.
  • Tshetshi tshitapamakaniht anitshenat nenu iapatenitahk tutakaniti ne tshe ishi-atussenanut.
  • Tshetshi nikan ueueshi-tshitapatakanit nenua tshekuana eka menuati kie nenua menuati menupaniueti anite nitatusseunnat mak tshe ishi-mishkutunamat nitatusseunnan anite ne uashka assi.
  • Tshetshi shash ueuetashtakanit tshipaikaniti anite ne atussenanut ashit tshe pitutepanitakanit tshe ishi-minu-kanuenitakanit anite aueshishat kie mishtikuat etaht mak ne assit uetshipanit tshekuan kie nenua anutshish ka atushkateti e maniteunakuak tshekuan kie nenua ussi-atusseuakana.

  • Tshetshi eka mishta-ishpaniuet anite ne uashka assi mak anite itetshe eshi-takuak tshekuan assit miam aueshishat, mishtikuat.
  • Tshetshi minu-takuaitshenanut ne e tshitapatakanit tshe nashakanit atusseun kie nenua tshe minupaniueti kie ma tshe kushtikuaki ne e tshitapatakanit uashka assi.
  • Tshetshi nashakanit miam eshi-natuenitakanit eshi-pimutenanut uashka assi mak tshetshi utitaikanit ne ua utitaikanit uashka assi e uitakanit.

  • Tshetshi aieshkupinanut miam tshek natamiku natu ishpanit miam tshekuannu kushtikuanniti innuat tshetshi katshitaukuht, tshetshi uashka assi katshitaikanit mak kassinu tshekuan eshi-takuak assit, aueshishat, mishtikuat.

  • Tshetshi nakatuenitakanit, tipishinataikanit, natu-tshissenitakanit mak ueueshi-tshitapatakanit ne ua minutaiat atusseun uashka assi mak tshetshi ishpitenitakanit ne ua ishi-nashamat.
  • Tshetshi ueueshi-tshitapatakanit tshetshi miam ishinakuanikue, tshetshi miam ishinakutakanikue mak tshetshi uitshiuekue ne ua ishi-pimipanitakanit atusseun.
Innu-takuaikan Uashat mak Mani-utenam uetshipanit ue akunakan

TSHETSHI ISHPITENIMAKANIHT ANITE AUENITSHENAT KA TAHT

  • Eukuan tshe ishi-ushkuishtamat tshetshi minupaniuet tatipan e tshitapatakanit mak tshetshi pitshitshipanitakanit anite mamu ka tananut mak pakassiun.
  • Tshetshi mamu tshitapatakanit tshe ishi-pitshitshipannanut mak tshetshi ishinakuak minekash tshetshi takuak atusseun.
  • Tshetshi ashtakanit atusseun tshetshi ut eka metshiakanit aueshish, mishtiku mak tshetshi mitshiminakanit tshetshi shetshen pimipanit atusseun tshe ut akua tutakanit inniun anite mamu ka tananut.

  • Tshetshi minupanit e aimitunanut mak tshetshi nishtutuakaniht eshi-uapatahk anite nikan ninan eshi-uapatamat.
  • Tshetshi amatshuepanitakanit mak mamu tutakanit ne atusseun ua minu-kanuenitakanit ne uashka assi.
  • Tshetshi tshishipeuatakanit auen utinniun mak tshetshi ishi-tshitapatakanit minekash tshetshi takuak atusseun.

  • Tshetshi uauitamatunanut ne ishpish ua minutakanit atusseun uashka assi ashit anitshenat nenu kiatshitaukuht.
  • Tshetshi pushipaniakaniht innuat ne ua tshitapatakanit atusseun ua uitakanit ne ua utitaikanit tshetshi aiat minutakanit atusseun.

TSHETSHI KASSINU AUEN PUSHIPANIT E ISHPITENITAKANIT KA UENUTISHIMAKAK UASHKA ASSI

  • Tshetshi minu-uitakanit tanite ua ishi-tshitutenanut ne e tshitapatakanit tshe ishi-ueuetashuapatet uashka assi.
  • Tshetshi patshitinakanit kassinu tshekuan ua apashtakanit miam kupanieshat, shuniau tshetshi ut katshitinakanit ua minupanitakanit ne tshe ishi-pimutenanut uashka assi ua atushkatakanit.
  • Tshetshi nikanipanitakanit ishpish ishpitenitakuak ne tshe uitshiuet tshe ishi-ueuetashuapatet uashka assi.
  • Tshe atushkatet, tshe pimipanitakanit mak tshe ashu-patshitinakanit aitun e mishta-minuat ne eshinakuak atusseun tshe ishinakutakanit uashka assi mak anite mamu ka tananut.

  • Tshetshi nishtutakanit ehsinakuak nitatusseunnan mak anite ne uashka assi mak tshe ishpaniuet anite tshe atusseiat uashka assi, anite ehsi-takuak tshekuan assit miam aueshishat, mishtikuat mak anite mamu ka tananut.
  • Tshetshi uitakanit mak tshe tshitshipannanut ne atusseun tshetshi nakatuenitakanit ne uashka assi iapit eka tataui anitshenat kaminu-nishtuapatahk tshekuannu ne tshipa mishta-ishpaniueu kie ma tshitshue ne tshe ishpanit.
  • Anu kataku iapit tshetshi itutenanut mak ne eshinakuak nitatusseunnan.

  • Tshetshi minu-tshitapatakanit eshinakauk uashka assi, eshi-kushtikuak, tshe ishi-minupaniuet ma eshinakuak tshetshi tutakanit miam eshi-natuenitakanit tshetshi ne tutakanit atusseun.
  • Pitu-kaitusseht anite ne assi etusseiat tshetshi kie uinuau nashahk miam eshi-natuenitakanit tshetshi nashakanit eshinakuak nitatusseunnan anite ne uashka assi mak kutaka ueuetashueuna eshi-takuaki.
  • Tshetshi tutuakaniht tshetshi utinahk anitshenat tshe ataueht, nitshi-kaitusseminanat mak anitshenat ka aiaht nenua atusseuakana kie ma kupaniesha, tshetshi kie uinuau utinahk miam e aitutshit anite ne e tshitapatakanit eshi-atusseiat.
  • Tshetshi minu-tshitapatakanit eshpitenimitshiht anitshenat anite ka taht e taht anite menupannit nenu nitatusseunnannu.
  • Tshetshi natshishk nukuak ne eshpitenitakuak atusseun e ueuetashuapatakait mak kau tshe ishinakutakanit ne uashka assi miam ka ishinakuak kassinu anite e tshitapatakanit eshi-tshinikuanipanit inniun nitatusseunnan e uitakanit.