UASHKA ASSI

PESSISH TSHATAPATAKANIT UASHKA ASSI
TSHETSHI MINU-NAKATUENITAKANIT NE ATUSSEUTSHUAP

Tshetshi minu-pitshitshipanitakanit atusseun ne uashka assi anite ishpitenitamunit mak tshetshi eka mishta-ishpaniuet anite mekuat meshta-pimipanit atusseun, Minerai de fer Québec tutamu mak pitukatau nenua tshe ishi-pimutenanuniti e minupaniueniti tshe ishi-ueuetashuapatakanit ne uashka assi anite mekuat e atussenannut.

TSHISSINUATSHIKANA ISHPISH TSHI KATSHITINAKANIT ASHINI ANITE MINISHTIKU-UTSHIT

  • Eshtakaniti shuniau uiesh 1 million $ anite tshetshi minutakanit tshe tshimatakaniti atusseuakana tshe ishi-ueuetashuapatet nipi anite ne assit tshe atussenanut, tshetshi ut etatu nakatuenitakanit tshe ishpish ushkuishtakanit tshe ishi-nakatuenitakanit tshe ishpaniuet anite ne nipi e tshitapatakanit uashka assi;
  • atusseun tshetshi mishkutunakaniti atusseuakana ka apashtakaniti atamit assit ka kushtikuak tshetshi ishkuatet anite ka ut pimipanit kashutshishimakak kau ka tshi apashtakanit;
  • atusseun ka nakatuenitakanit uashka assi iapit anitshenat ka pitu-atusseht, tshetshi taship mishue mishta-nakatuenitakanit anite ne uashka assi;
  • tshetshi tshimatakanit atusseuakan tshetshi ut minu-nakatuenitakanit eshi-unuipanit e patitepanit anite uetshipanit ne ashini ka atushkatet.

KA UNIKAPAUTAKANIT TSHETSHI NAKATUENITAKANIT INNIUN

Ka tshimatakanit mak ka nakatuenitakanit atusseun tshetshi akua aitinanut uashka assit eukuan apiutakan tshetshi ut atshunakanit tshetshi mishta-ishpaniuet.

Minerai de fer Québec tshimatapan atusseunnu « Utina 5 ne Uashka Assi e uitakanit ». Tshe tutakanit tshetshi ut uapatakaniti nenua kueshtikuaki anite uashka assit, tshe minu-uitakant tshe aitinanut eshku eka tshitshue tutakanit atusseun, eukuana umenua :

1

Tshetshi nakauinanut mak tshetshi minu-tshitapatakanit
tshe ishi-pimutenanut ne atusseun e tshitapatakanit.

2

Tshetshi uapatakanit
ne eshi-kushtikuak.

3

Tshetshi minu-tshitapatakanit
tan tshe ishi-kushtikuak.

4

Tshetshi minu-nakatuenitakaniti
nenua eshi-kushtikuaki.

5

Tshetshi tutakanit ne atusseun e tshitapatakanit
anite nikan tshetshi eka anite ne kushtikuak uashka assit.

TEKUAK TSHETSHI AKUA AITINANUT MITSHETUAIT ESHI-INNIUIMAKAK TSHEKUAN

Minerai de fer Québec iapit tshitapatamupan tshe ishi-pitshitshipanitat atusseuna tshetshi ut uauitshiuenanut anite eshi-inniuimakak assi, eshi-takuak kie ma eshi-tananut assit mak tshe pimutenanut anite ne assi. Umenua passe tshissinuatshitakana :

  • Menuat Mistassini-shipu, ne e tshitapatakanit atusseun tshe tutakanit kau tshe anakanit shipeku-utshashumeku anite Tshiuetinit, tshetshi ut kau takuannit anite tshe tat uet shatshiunit nenu paushtikunu mak tshetshi tutak kau tshetshi apashtakannit nenu shipinu miam ueshkat;
  • tshetshi minuanit anite tshe tat ne shipeku-utshashumeku anite ne tshiashi-ashini ka takuak anite Jeannine-shakaikanit e amatshuepanitakanit anite namesh tshe piniauit, anite tshe nitautshitit, anite tshe ashte-aieshkushit mak tshe ashamitishut;
  • ka ueutinakanit anite e upat anite tekuak anite ne ashini Minishtiku-utshit tshetshi ut nanitam pimipanit namesh anite e uapanit.