Kutunnu ashu peiku (11) e tshishtauakanit shiship-pishimu, Champion Iron, mamuitun tshetshi pitshitshipanitakanit mak tutakanit atusseun anite ne Minerai de fer Québec, uin anutshish tepenitak tshetshi tshimatat atusseunnu anite Bloom shakaikanit (Minishtiku-utshu) ashini tekuak.
Ne tepenitakanit anite uiesh takuan 13 km mamit Fermont, Uepishtikueiau-assit, mak anite 10 km tshiuetinit anite ne tekuak ashini Mont Wright, anite Arcelor Mittal Mines Canada etushkatak nenu ashininu.
Tshematakanit atusseun ne ashini tekuak anite Bloom shakaikanit, eshi-takuak ishkuteu-utapan-meshkanau tshetshi autshitapenanut ne ashini ka mishta-minuat nuash ne ka pushtashunanut anite Uashat tekuak ute Ueupishtikueiau-assit.
Anutshish eshinakutakanit tshetshi atauatshenanut anite ut uapikun-pishimu 2008, ne ashini Bloom shakaikan tshi uapatiniueu e tshi amatsheupanitakanit, e shuniatshepannit, nenu ashininu eshpitenitakuannit (66,2% Fe (eshi-uitakanit)) nuash kie ma anu mak ne eshpitenitakuan tshiam e uinakanit tshipa ishpitenitakuan.
Natu-tshissenitakanipan tshetshi tshi tutakanukue ka unuipanitakanit tipatshimun epishiminishkueu 2017, nukuanipan kau uetinakanit ne atusseun ashini euitakanit anite Bloom shakaikanit tshe shuniatshepanit mak anu uin menupannit utatusseun eshpitashkamikat e tshitapatakanit.
Kie ka natu-tshissenitakanit, ne ashini Bloom shakaikan, eukuan peiku eshi-uaptakanit tshe mishta-akuashinakuak ne atusseun anite etatuti ka atushkatakanit ashini ute tshiuetinit Uepishtikueiau-assit. Muku, tshissenitakkuan tshitshipannanut ne atusseun tshe mishta-itenitakuak ne e tshitapatakanit pakassiun utenat, eshi-tipenitamumakak assi mak Uepishtikueiau-assi e tshitapatakanit.
Ishpish minupanit eshi-unuipapnit aimun ne ka natu-tshissenitakanit mak ka tshitshipanitakanit atusseun eka tshekuan e nakashkatumakak anite epishiminishkueu 2018, ne Mamuitun ekue unuipanitat minuat peikuau tshetshi natu-tshissenitakannit tshetshi tshi tutakanikue ne atusseun anite uapikun-pishiimua 2019. Apu shashish minuat ka natu-tshissenitakanit itenitakanu tshetshi minu-tshishtakanit ne atusseun kie nishuau takut tshe amatshuepanit ne ashini Bloom shakaikan, ume e uitakanit tshipa ishpish ishpitenitakuan 15 Mtpa, ashit e nakatuenitakanit tshetshi takuak atusseun nishunnuepipuna (20) ishpish ne ashini e uitaknait.
UAPATAMUKU TSHETSHI TSHI TUTAKANIKUE »
(MUKU E AKANISHAUSHTET)
Kau tshetshipanitakanit ne atussuen ashini e uitakanit anite Bloom shakaikanit, misht-ashtakanipan tshekuan tshetshi ne tutakanit, miam tshetshi maniteu-tshekuan apashtakanit, tshe uaueshi-tshitapatakanit tshe ishi-tutakanit atusseun ne e tshitapatakanit tshe ishi-utinakanit ashini, mak tshetshi ashushtakanit tutakanit meshkanau 3,5 km eshpishinakuak tshetshi ut eka ishpish papamipaniti kamamishati-utapana. Kie, ne Mamuitun tshi ishitapeu ashininu anite mitshetuait pakupeutshikana, miam ne kamishati ishkuteu-uta, tshetshi ut eka ishpish shuniaut. Nuash ume anutshish, uiesh 4 milliards Upashtuneu-shuniau ashtakanipan anite ne kaitushkanut ashini Bloom shakaikanit.
Mamuitun kassinu ashtapan eshi-kanuenitashut, miam utshissenitamun, eshi-pikutat atusseunnu mak shunianu tshetshi ut minupanit ne atusseun. Minunakuan anite nikan ne e uitakanit Mineai de fer Québec !
